*”मोफत प्रशिक्षणातून स्वयंरोजगार, नोकरीची संधी”*
*माजी केंद्रीय मंत्री मा़. सुरेशजी प्रभू* यांच्या मार्गदर्शनाखाली, सिंधुपुत्रांच्या विकासासाठी *मानव साधन विकास संस्था* करीत असलेले कार्य अत्यंत स्तुत्य असेच आहे. कोकण किनारपट्टीचे वाढते पर्यटन महत्व लक्षात घेऊन सिंधुपुत्रांना या क्षेत्रात रोजगाराची संधी उपलब्ध करून देण्यासाठी ही संस्था विविध महत्त्वाकांक्षी प्रकल्प राबवत आहे़.
मानव साधन विकास संस्थेच्या *विद्यमान अध्यक्षा सौ़. उमा सुरेश प्रभू* यांचे मार्फत या वर्षी सिंधुदुर्ग व रत्नागिरी जिल्ह्यातील *120 मच्छीमार* सिंधुपुत्रांना ‘राष्ट्रीय जल क्रीडा संस्थान ‘ (NIWS) दोनापावला,गोवा येथे वॉटर स्पोर्ट्स चे शास्त्रशुद्ध प्रशिक्षण देऊन *अधिकृत परवाना व प्रमाणपत्र* वितरीत करण्यात आले.
मानव साधन विकास संस्था ही शेतकरी, महिला, मच्छीमार, युवा, माजी सैनिक व आर्थिक दृष्ट्या वंचित घटकांच्या सर्वांगीण विकासासाठी कार्य करते. पर्यटनाचे वाढते महत्त्व लक्षात घेऊन सिंधुदुर्ग व रत्नागिरी जिल्ह्यातील मच्छीमार युवकांसाठी मानव साधन विकास संस्था संचलित *परिवर्तन केंद्र, सिंधुदुर्ग* आणि *आय.सी. आय. सी. आय.* *फाउंडेशन* यांच्या संयुक्त विद्यमाने ‘ *सिंधुपुत्र* ‘ हा उपजीविका निर्मितीक्षम कार्यक्रम *ऑक्टोबर 2023* ते *मे 2024* दरम्यान राबविण्यात आला. या कार्यक्रमांतर्गत *लाईफ सेविंग स्किल्स् (वॉटर स्पोर्ट्स) आणि पाँवर बोट हँडलिंग (टिलर) यांचे प्रशिक्षण* आतापर्यंत 120 युवक युवतींना देण्यात आले.
या प्रशिक्षणातील काही युवक गोवा येथे ‘लाईफ गार्ड’ म्हणून नोकरी करत आहेत. तर काहीजणांनी वॉटर स्पोर्ट्स मध्ये आपला स्वतंत्र व्यवसाय सुरू केला आहे. काही युवक पर्यटन क्षेत्रात कार्यरत आहेत. यापैकी काही प्रशिक्षणार्थी महाराष्ट्र शासनाच्या मत्स्य विभागा अंतर्गत ‘ सागरमित्र ‘ या पदावर शासकीय सेवेत कार्यरत आहेत.
सिंधुदुर्ग व रत्नागिरी जिल्ह्यातील अजून *80 युवक युवतींना* प्रशिक्षित करण्याचा मानव साधन विका्स संस्थेचा मानस आहे.
” डिसेंबर 2024 प्रशिक्षणाची संधी “
डिसेंबर 2024 अखेर आयोजित केल्या जाणाऱ्या या प्रशिक्षणासाठी *पात्र इच्छूकांनी आपली नाव नोंदणी दिनांक 20 डिसेंबर 2024* पर्यंत करण्याचे आवाहन संस्थेमार्फत करण्यात येत आहे.
प्रशिक्षण नोंदणीसाठी संपर्क क्रमांक पुढील प्रमाणे
*1) श्री. विलास हडकर – 9421146062.
*2) श्री. संजय नाईक – 9921927168.
प्रशिक्षण घेतलेल्या निवडक प्रशिक्षणार्थीसाठी *’ स्कुबा डायविंग ‘ प्रशिक्षण* आयोजित करण्याचा संस्थेचा विचार आहे.
